Жаргалант сумын ИТХ-ын Тэргүүлэгчдийн

Хуралдааны  2015 оны 03 дугаар

 сарын  23 -ны өдрийн ... дугаар

 тогтоолын 2-р хавсралт

СУМЫН ОНЫ ТЭРГҮҮНИЙ СУРАГЧ ШАЛГАРУУЛАХ ЖУРАМ

Нэг: Зорилго

1.1.Сурагчийн эрх, үүргийг үлгэр жишээ биелүүлж, сурлага, хүмүүжил, урлаг, спорт, авьяас чадвараараа анги хамт олон, үе тэнгийн нөхөдөө манлайлсан сурагчдыг дэмжин, урамшуулах,  хөгжүүлэхэд  энэхүү журмын  зорилго нь оршино.

Хоёр: Хамрах хүрээ

2.1.Жаргалант сумын харъяа Ерөнхий боловсролын сургуулиудын  сурагчдаас  нэг   сурагчийг   "Оны тэргүүний  сурагч” –аар  шалгаруулна.                                                                                                                                                                                                                 

Гурав:  Шалгуур  үзүүлэлт

3.1.Суралцах  хугацаандаа бүх хичээлдээ  амжилттай  суралцсан байх.                                                                     

3.2.Сурлага, хүмүүжил, буруу хэвшилд орсон   найз нөхөддөө дэмжлэг үзүүлж амжилтанд хүргэсэн сурагч  байх.

3.3.Улсын болон бүсийн чанартай  уралдаан тэмцээн, олимпиадад  амжилттай оролцож   эхний таван байранд  шалгарсан байх (үнэмлэх, сертификатын хуулбар хувь)

3.4.Сургуулийн дотоод журам болон  сурагчдын дагаж мөрдөх журам, анги хамт олноос дэвшүүлсэн зорилтыг хэрэгжүүлэхэд өөрөө болон бусад нөхөддөө үлгэр дууриал үзүүлсэн  байх.                                                                         

3.5.Олон нийтийн ажилд манлайлан оролцдог, анги хамт олны дунд нэр хүндтэй сурагч байх.       

3.6.Тухайн  хичээлийн жилдээ гаргасан онцгой амжилт сурагчийн давуу тал болно.                                                                                                                                                                           

Дөрөв:  Бүрдүүлэх материал                                                               

4.1.Нэр дэвшигчийн  анкет,  (9х6) харьцаатай цээж зураг.                                                                                        

4.2.Сургуулийн захиралын  зөвлөлөөр хэлэлцэн шалгаруулсан хуралдааны тэмдэглэл.                                

4.3.Шагнуулахыг хүссэн албан тоот.                                                                                                                                         

4.4.Сурагчийн тухай анги удирдсан багшийн тодорхойлолт.                                                                                                                                                                            

4.5.Сурагчдын дүнгийн хуулбар, амжилтыг гэрчлэх диплом, өргөмжлөлийн хуулбар бусад материал.                            

4.6.Энэхүү журмын   үндэслэлүүдийг  хангаж байгаа  нэг сурагчийн материалыг  сургууль тус бүр  Монголын Цагаан сар болохоос  гурван  долоо хоногийн өмнө  Жаргалант сумын Засаг даргын Тамгын газарт ирүүлнэ.

                        Тав: Шалгаруулалт, олгох шагнал урамшуулал

5.1.Сургууль тус бүрээс ирсэн сурагчдын  материалыг  сумын нийгмийн бодлого хариуцсан мэргэжилтэн хүлээн  авч нэгтгэн Засаг даргын зөвлөлийн хурлаар хэлэлцүүлж,  зөвлөлийн гишүүд шалгуур үзүүлэлтийг   бүрэн хангасан  нэг сурагчийг   "Оны тэргүүний    сурагч” –аар  шалгаруулна.

5.2.Сумын  Засаг даргын албан тоотоор хариу  мэдэгдэлийг   хүргүүлнэ.                                                           

5.3.Сумын Засаг даргын нэрэмжит Хүндэт өргөмжлөл  дурсгалын зүйлээр  "Оны тэргүүний   сурагч”-ийг    шагнаж урамшуулна.                                                                                                                                            

5.4.Сумын Засаг даргын нөөц хөрөнгөөс холбогдох зардлыг  санхүүжүүлнэ.  
          5.5.Орон нутгийн  хэвлэл мэдээлэл,  цахим сайтад    “Оны  тэргүүний   сурагч”-ийн  тухай мэдээллийг     байршуулах,  нийтийн хүртээл болгох сурталчлах  ажлыг Жаргалант сумын ЗДТГ-ын нийгмийн бодлого хариуцсан орлогч дарга, мэргэжилтэн нар  хариуцана. 

------------ о О о ------------